ಮಂಗಳೂರಿನ ಐತಿಹಾಸಿಕ ಮಿಲಾಗ್ರೆಸ್ ಚರ್ಚ್ನಲ್ಲಿ ಯೇಸು ಕ್ರಿಸ್ತರ ಪುನರುತ್ಥಾನದ ಹಬ್ಬವಾದ ‘ಈಸ್ಟರ್’ ಅನ್ನು ಅತ್ಯಂತ ಭಕ್ತಿ ಮತ್ತು ಸಡಗರದಿಂದ ಆಚರಿಸಲಾಯಿತು. ನಲವತ್ತು ದಿನಗಳ ಉಪವಾಸ ಮತ್ತು ಪ್ರಾಯಶ್ಚಿತ್ತದ ನಂತರ, ಕ್ರೈಸ್ತ ಬಾಂಧವರು ಹಬ್ಬದ ಉತ್ಸಾಹದೊಂದಿಗೆ ಚರ್ಚ್ಗೆ ಆಗಮಿಸಿ ಪ್ರಾರ್ಥನೆ ಸಲ್ಲಿಸಿದರು.
ಪವಿತ್ರ ಬಲಿಪೂಜೆಯನ್ನು ವಂದನೀಯ ಪೂಜ್ಯ ಬೊನಾವೆಂಚರ್ ನಜರೆತ್ ಅವರು ನೆರವೇರಿಸಿದರು. ವಂದನೀಯ ಪೂಜ್ಯ ಮ್ಯಾಕ್ಸಿಮ್ ರೊಸಾರಿಯೊ ಅವರು ಈ ಸಂದರ್ಭದಲ್ಲಿ ಪ್ರಬೋಧನೆ ನೀಡಿ, ಈಸ್ಟರ್ ಹಬ್ಬದ ಮಹತ್ವವನ್ನು ವಿವರಿಸಿದರು. ವಂದನೀಯ ಪೂಜ್ಯ ಉದಯ್ ಫೆರ್ನಾಂಡಿಸ್ ಅವರು ಸಾಂಪ್ರದಾಯಿಕ ಪಾಸ್ಕಾ ಸ್ತೋತ್ರವನ್ನು ಹಾಡಿದರು.
ಹಬ್ಬದ ಅಂಗವಾಗಿ ಬೆಂಕಿ ಮತ್ತು ಪವಿತ್ರ ನೀರಿನ ಆಶೀರ್ವಚನ ವಿಧಿಯನ್ನು ವಂದನೀಯ ಪೂಜ್ಯ ಜೆರಾಲ್ಡ್ ಪಿಂಟೊ ಅವರು ನೆರವೇರಿಸಿದರು. ಈ ಪವಿತ್ರ ಬಲಿಪೂಜೆಯಲ್ಲಿ ವಂದನೀಯ ಪೂಜ್ಯ ಅವಿತ್ ಪಾಯ್ಸ್ ಮತ್ತು ಪೂಜ್ಯ ಫ್ರಾಂಕ್ ಜೇಸನ್ ಪಿಂಟೊ ಅವರು ಸಹ-ಬಲಿಪೂಜಕರಾಗಿ ಭಾಗವಹಿಸಿದ್ದರು.
ಯೇಸು ಕ್ರಿಸ್ತರು ಪಾಪ ಮತ್ತು ಮರಣದ ಮೇಲೆ ಜಯ ಸಾಧಿಸಿ ಪುನರುತ್ಥಾನಗೊಂಡಿದ್ದಾರೆ ಎಂಬ ಸಂಕೇತವಾಗಿ ಭಕ್ತಾದಿಗಳು ‘ಅಲ್ಲೆಲೂಯಾ’ ಗೀತೆಯನ್ನು ಹಾಡುತ್ತಾ ಸಂಭ್ರಮಿಸಿದರು. ಹೆಚ್ಚಿನ ಸಂಖ್ಯೆಯಲ್ಲಿ ನೆರೆದಿದ್ದ ಜನರಿಗೆ ಸ್ವಯಂಸೇವಕರು ಸುಗಮವಾಗಿ ಪ್ರಾರ್ಥನೆ ಸಲ್ಲಿಸಲು ಸಹಕರಿಸಿದರು
